📚 Білімнің 🔟 артықшылығы
⠀
☪️ Пайғамбарымыз Мұхаммед (оған Алланың салауаты мен сәлемі болсын) «Бір сағат білім алу – бір күн, бір түнгі құлшылықтан, бір күн білім алу, екі ай нәпіл ораза ұстағаннан артық» деген.
⠀
⏳ Бірде хазреті Әлиге (Алла оған разы болсын) он шақты яһуди келіп: Білім артық па, әлде мал артық па? - деп сұрақ қойыпты. Сонда хазреті Әли:
⠀
1️⃣ Біріншіден білім, артық. Өйткені білім – Пайғамбарлардан қалған мұра, ал мал – Перғауын мен Қарынбайдан қалған мұра.
⠀
2️⃣ Екіншіден, білім сені сақтайды, ал малды өзің сақтайсың.
⠀
3️⃣ Үшіншіден, білімнің досы көп, ал малдың дұшпаны көп.
⠀
4️⃣ Төртіншіден, білімді жұмсасаң, арта береді, малды жұмсасаң, азая береді.
⠀
5️⃣ Бесіншіден, білім саған құрметті атақ береді, ал мал сараң деген атаққа қалдырады.
⠀
6️⃣ Алтыншыдан, білім өзін-өзі сақтайды, ал малды бағып күту керек.
⠀
7️⃣ Жетіншіден, білімнің қиямет күні шапағаты тиеді, ал мал иесіне есеп бергізеді.
⠀
8️⃣ Сегізіншіден, білім тозбайды, жоғалмайды, ал мал өледі де жоғалады.
⠀
9️⃣ Тоғызыншы, білім көңілді нұрландырады, ал мал масаттандырады.
⠀
🔟 Оныншы, білім адамға ғибадат еткізеді, ал мал иесінің көңіліне тәкаппарлық салады,- деп жауап берген екен.
⠀
🤲 Алла Тағала баршамызға пайдалы білім, адал ризық-несібе мен қабыл болатын амалдарды нәсіп етсін!
⠀
📲 muftyat.kz - ҚМДБ
#білімапталығы
#muftyatkz
